Қазақстандық Octagon MMA лигасының президенті Нураддин Садыков YouTube-тегі «Azamat Sport» арнасына берген сұқбатында UFC-ге өтуі мүмкін қазақстандық файтерлердің есімдерін атады, деп хабарлайды Sportinside.kz.
Садыков пікірінше UFC-ге ең жақын тұрғандар:
– Аян Тұрсын – Қазақстандағы ең танымал әйел файтерлердің бірі. Президенттің айтуынша, Аян UFC-мен келіссөзге өте жақын тұрған. Алайда соңғы жекпе-жектен кейін бұл процесс кейінге шегерілген.
«Аян бойынша бәрі өте жақын болды. Бірақ соңғы жекпе-жегінен кейін бәрі кейінге қалды», – деді Садыков.
– Сүндет Айтқұл – Octagon лигасының чемпионы. ММА мамандары оның стилін UFC-ге лайық деп санайды. Оның 10 жеңісінің барлығы мерзімінен бұрын аяқталған.
«Сүндет өте тартымды стильде жұдырықтасады. Барлық жеңістері мерзімінен бұрын аяқталған – бұл UFC-ге ұнайды».
– Абай Жалал – болашағынан зор үміт күттіретін спортшы. UFC-ге өту мүмкіндігі бар деп саналады.
– Саят Абдуали – есімі жиі аталып жүргенімен, Садықовтың пікірінше, оған әлі ерте. «Көп айтылады, бірақ менің ойымша, ол үшін уақыт керек».
– Руслан Касымалы Уулу – қырғыз спортшысы болса да, Octagon-да танымал. UFC-ге өтетін шанстары бар.
Қазір UFC-де кімдер бар?
Қазіргі таңда UFC-дің ресми ростерінде Қазақстаннан алты спортшы бар:
- Шавкат Рахмонов
- Асу Алмабаев
- Азат Максұм
- Бекзат Алмахан
- Николай Веретенников
- Дияр Нұрғожай
- Бұрын UFC-де Жалғас Жұмағұлов пен Сергей Морозов та жұдырықтасқан.