Танымал балуан Ақжүрек Таңатаров лауазымды қызметке тағайындалды, деп хабарлайды Sportinside.kz.
Олимпиада жүлдегері Ақжүрек Танатаров Қазақстан күрес федерациясының вице-президенті қызметіне тағайындалды.
"Спорттағы мол тәжірибесі, жоғары жетістіктері мен кәсібилігі отандық күрестің дамуына зор үлес қосады деп сенеміз. Ақжүрек Танатарұлына жауапты қызметіне табыс тілейміз!" – делінген ресми хабарламада.
Ақжүрек Таңатаров 1986 жылы Жамбыл облысының Құлан ауданында туған. Ол – Қазақстанның еңбек сіңірген спорт шебері, еркін күрестен ел біріншілігінде төрт мәрте чемпион атанған балуан. Сондай-ақ 66 келі салмақ дәрежесінде өткен Лондон Олимпиадасының қола жүлдегері.