Қазақ боксшысы Серік Теміржанов Дубайда (БАӘ) өтетін, Халықаралық бокс қауымдастығы (IBA) ұйымдастыратын 2025 жылғы әлем чемпионатындағы өз мақсаты туралы ашық айтты, деп хабарлайды Sportinside.kz.
"Әлем чемпионатындағы соңғы сәтті жекпе-жегіме төрт жыл өтті. Сол уақыттан бері көп өзгердім, тәжірибе жинадым. Дубай рингіне шыққанда соның бәрін көрсетемін! Мен қолымнан келгеннің бәрін жасап, сол кездегі "күмісті" енді "алтынға" айналдыруға тырысамын!" – деді спортшы.
Еске сала кетсек, Серік Теміржанов 2021 жылы Сербияның Белград қаласында өткен әлем чемпионатында 57 келі салмақта финалға дейін жетіп, америкалық Джамал Харвиден ұтылып, күміс жүлде алған болатын.