Танымал армян-америкалық боксшы, әлем чемпиондығына үміткер Ванес Мартиросян 39 жасында қайтыс болды. Соңғы екі жыл бойы ол тері обырымен күрескені хабарланды, деп хабарлайды Sportinside.kz.
Мартиросян (36-4-1, 21 KO) өз кезеңінің ең мықты боксшыларымен кездескен спортшы ретінде белгілі. Ол рингте Эрисланди Ларамен (екі мәрте), Деметриус Андраде және Джермелл Чарло сияқты чемпиондармен жұдырықтасқан.
2018 жылы Геннадий Головкинмен жекпе-жекте мерзімінен бұрын жеңілгеннен кейін кәсіби мансабын аяқтаған. Өз карьерасында Кассим Оума, Уилли Нельсон және Ише Смит секілді қарсыластарды сенімді түрде ұтқан.