Танымал актриса Гүлбахрам Ахат әлеуметтік желідегі парақшасында көзіне жас алған бейнежазбасын жариялап, көпшіліктің назарын аударды, деп хабарлайды Ozgeris.info.
Өнер иесі жазбасында өмір мен сынақ туралы ойымен бөлісіп, жақсылыққа үндеді.
"Аллаға шүкір менде бәрі жақсы. Біреуге пайдаңды тигізбесең де, зияныңды тигізбей өмір сүрудің өзі сауапты амал… Сынағысы келген кісіге мін көп, өкпелегісі келген кісіге де себеп көп. Күз – ішкі әлемді есту сәт", – деп жазба қалдырды ол.
Желі қолданушылары Гүлбахрам Ахатқа жылы лебіздерін білдіріп, қолдау көрсетті.
"Сіз ғажап жансыз", "Жыламаңызшы", "Өмір сынақтардан тұрады", "Әлі-ақ үбірлі-шүбірлі боласыздар", "Өзіңді биік ұста, тік жүр. Бәрі жақсы болады", – деді олар.
Айта кетейік, актриса бұған дейін өзінен 10 жас кіші әріптесіне тұрмысқа шыққан еді.