World Boxing баспасөз қызметі қазақ боксшы қыздарының ерекше образдарына қатысты пікір білдірді, деп хабарлайды Sportinside.kz.
"Сіздер бұрын-соңды боксшыларды осындай ғажайып кейіпте көрдіңіздер ме? Әлем чемпиондары Алуа Балқыбекова мен Виктория Богданова, сондай-ақ қола жүлдегер Виктория Графеева Ливерпульде Қазақстан құрамасының жетістіктеріне арналған гала-кешке ерекше образда шықты. Рингте де, рингтен тыс та – қандай керемет тұлғалар!" – делінген ұйымның Instagram парақшасында.
Айта кетейік, World Boxing ұйымы өткізген алғашқы әлем чемпионатында Қазақстан құрамасы жалпыкомандалық есепте бірінші орын алды. Команданың қоржынында – жеті алтын, бір күміс және екі қола медаль бар.