Бокстан ересектер арасындағы әлем чемпионаты Англияның Ливерпуль қаласында өтіп жатыр, деп хабарлайды Sportinside.kz.
Бүгін, 5 қыркүйекте, Қазақстан атынан екі спортшы қыз – Карина Ибрагимова мен Аида Әбікеева шаршы алаңға шығады.
Карина Ибрагимова өзінің алғашқы кездесуін B шаршы алаңында өткізеді. Ол 57 келіге дейінгі салмақ дәрежесінде грекиялық спортшы Панайота Кузилумен күш сынасады. Бұл жекпе-жек 1/16 финал сатысында өтеді.
Ал Аида Әбікеева А шаршы алаңында жетінші жұп болып шығады. Оның қарсыласы – Венгрия өкілі Луца Хамори.
Екі жекпе-жек те Астана уақыты бойынша сағат 15:00-де басталатын күндізгі сессияда өтеді. Барлық кездесу тікелей эфирде "Qazsport" арнасынан көрсетіледі.
Айта кетейік, бұл турнир – World Boxing ұйымының тарихтағы алғашқы ересектер арасындағы әлем чемпионаты.