25 шілде күні Шымкентте өткен Alash Pride FC110 турнирі жанкүйерлердің есінде тек қызықты жекпе-жектермен ғана емес, ерекше романтикалық сәтпен де есте қалды, деп хабарлайды Sportinside.kz.
Кештің басты жекпе-жегінде жартылай жеңіл салмақтағы уақытша чемпиондық белбеу үшін қазақ жауынгері Асылжан Таскет (8-2-1) пен ресейлік Низам Рамазанов кездесті.
Асылжан Таскет октагонда толық басымдық көрсетіп, жекпе-жекті жеңіспен аяқтап, чемпиондық титулға ие болды. Бірақ нағыз тосынсый жекпе-жектен кейін басталды. Жеңістен кейін қолына микрофон алған Асылжан көпшіліктің көз алдында өзінің сүйіктісіне үйлену туралы ұсыныс жасады. Ол сүйіктісіне сақина мен қызыл раушан гүлдерін ұсынып, жүрекжарды сезімін білдірді. Қыз оның ұсынысына келісімін берді.