Танымал спортшы Шавкат Рахмоновтың жұбайы Жамбыл облысында орын алған қайғылы жол апатына байланысты бірнеше жылға бас бостандығынан айырылуы мүмкін, деп Sportinside.kz тілшісі Sport24.kz сайтына сілтеме жасап хабарлайды.
Бұл туралы адвокат Бағдат Амандосұлы Sport24.kz сайтына берген сұқбатында мәлімдеді. Оның сөзінше, жол-көлік оқиғасы кезінде екі адамның қаза табуына себепкер болғаны үшін 5 жылдан 10 жылға дейін жаза көзделуі мүмкін.
"Күдікті – кішкентай балалардың анасы. Бұл фактор сот үкімін жеңілдетуі мүмкін. Дегенмен бұл оны заң алдындағы жауапкершіліктен толық босатпайды. Қаза тапқандардың туыстары кешірім берген күннің өзінде, істің ауырлығына байланысты айыпты адам міндетті түрде жауапқа тартылады", – деді Бағдат Амандосұлы.
Еске сала кетейік, жол апаты кезінде Шавкат Рахмоновтың жұбайы рөлге ие бола алмай, көлік аударылып кеткен.