"Минус 2 миллион": Назым Қызайбай ерекше жаңалығын айтып, жұртты қуантты

30 шілде, 2025 / Ахмет Қанатұлы
ҰОК/Тұрар Қазанғапов. Суретте: Назым Қызайбай

Париж Олимпиадасының қола жүлдегері Назым Қызайбай әлеуметтік желідегі парақшасында ерекше жаңалығын бөлісті, деп хабарлайды Sportinside.kz.

Назым Қызайбай бұған дейін Instagram желісіндегі парақшасында биыл баласы 1-сыныпқа баратын көп балалы ата-аналардың байланыс нөмірлерін сұрап, оқырмандарына сұрау салған. Енді жақында салған Stories бөліміндегі жазбасында:

"Жаттығудан кейін өзіме тәнті болып келе жатырмын. Минус 2 миллион, 40 бақытты бала + күлімдеген көп балалы ата-аналар. Жақсылық санмен емес, жүрекпен өлшенеді", – деп жазды Назым Қызайбай.

Боксшының осы сөзінен ол көп балалы отбасыларға жаңа оқу жылы алдында көмек көрсетіп, жақсылық жасағанын аңғаруға болады.

Тэгтер:

Бокс Назым Қызайбай жақсылық көп балалы отбасы