Мәскеулік "Динамо" футбол клубы Қазақстан құрамасының ойыншысы Бақтиер Зайнутдиновтің трансферін ресми түрде растады, деп хабарлайды Sportinside.kz.
Клубтың әлеуметтік желідегі парақшаларында жарияланған бейнероликте: "Қош келдің!" – делінген.
Еске сала кетсек, Бақтиер Зайнутдинов 2023 жылдың жазында ЦСКА-дан Түркияның "Бешикташ" клубына ауысқан болатын. Өткен маусымда ол барлық турнирлерде 12 матчқа қатысып, бір нәтижелі пас берген.
Футболшының жаңа клубпен келісімшарты 2027 жылдың жазына дейін жасалған. Transfermarkt порталының мәліметінше, Зайнутдиновтің қазіргі нарықтық құны – 3 миллион еуро.