Қазақстандық кәсіпкер Михаил Ломтадзе иелік ететін ағылшындық "Уиком Уондерерс" футбол клубы "Тоттенхэммен" тең ойнады, деп хабарлайды Sportinside.kz.
Ағылшын премьер-лигасының клубы мен Англияның үшінші дивизионы өкілі арасындағы маусым алдындағы жолдастық матч 2:2 есебімен аяқталды. Ойын барысында голдарды Пап Матар Сарр (14-ші және 66-минуттарда) мен Армандо Джуниор Китирна (32 және 50-минуттарда) соқты.
Айта кетейік, Михаил Ломтадзе 2024 жылдың мамырында "Уиком Уондерерс" клубының 90 пайыз акциясын сатып алған.
1887 жылы негізі қаланған бұл команда ұзақ жылдар бойы Англияның төменгі лигаларында өнер көрсетіп келеді. Елеулі жетістіктері қатарында 2000/01 маусымындағы Англия Кубогының жартылай финалы, 2006/07 маусымындағы Ағылшын Лига кубогының жартылай финалы бар.
Сондай-ақ, 2019/20 маусымында "Уиком Уондерерс" алғаш рет Чемпионшипке (Англияның екінші дивизионы) жолдама алған болатын.