Қазақ файтері Асу Алмабаев (21-3) Абу-Дабиде (БАӘ) өткен UFC on ABC 9 турнирінде Перу спортшысы Хосе Очоамен (8-1) кездесті, деп хабарлайды Sportinside.kz.
Асу Алмабаев үш раундқа созылған жекпе-жекте төрешілердің бірауыздан шығарған шешімі бойынша жеңіске жетті. Төрешілер үш раундтың нәтижесінде 30:27, 30:27, 29:28 есебімен жеңісті Асу Алмабаевтың пайдасына шешті.
Айта кетейік, Асу Алмабаев UFC-де бес жекпе-жек өткізіп, төрт мәрте жеңіске жетсе, бір рет жеңіліс тапқан. Соңғы рет Асу Алмабаев наурыз айында октагонға шықты – ол үшінші раундта Ангола спортшысы Манел Капеден (21-7) нокаутпен жеңілді.