Бақтиер Зайнутдиновтың әкесі ұлының мәскеулік клубқа ауысуы туралы пікір білдірді

25 шілде, 2025 / Ахмет Қанатұлы
championat.com. Суретте: Бақтиер Зайнутдинов

Қазақстандық футболшы Бақтиер Зайнутдиновтың әкесі Батыржан Зайнутдинов ұлының мәскеулік "Динамо" клубына ауысуы жайлы пікір білдірді, деп Sportinside.kz тілшісі Championat.com сілтеме жасап хабарлайды.

"Ұлыммен бұл трансфер туралы әлі сөйлескен жоқпын – әзірге ол маған қоңырау шалмады. Бірақ өзім де оның Ресейге оралғанын қалар едім. Қазір клубтар келіссөз жүргізіп жатыр деп түсіндім. Әрине, Карпин бапкерлік ететін "Динамо" – Бақтиер үшін өте жақсы таңдау. Бұл – оның бұрынғы және сүйікті бапкері", – деді Батыржан Зайнутдинов.

Бақтиер Зайнутдинов 2023 жылдың жазында ЦСКА-дан түркиялық "Бешикташ" клубына ауысқан болатын. Өткен маусымда ол барлық турнирде 12 матчқа қатысып, бір нәтижелі пас берген. Қазіргі келісімшарты 2027 жылдың жазына дейін күшінде. Transfermarkt порталының мәліметіне сәйкес, футболшының нарықтағы құны – 3 миллион еуро.

Тэгтер:

футбол Бақтиер Зайнутдинов Динамо Бешикташ